ruhunupuwath Just another WordPress site
ගාල්ල කොස්ගොඩ ප්‍රදේශයේ (29) අද පාන්දර 03.45 පමණ සිදුවූ වෙඩිතැබීම් 03කින් පුද්ගලයන් 04 දෙනෙකු මියගොස් කුඩා දරුවෙකු තුවාල ලබා බළපිටිය මූලික රෝහලට ඇතුළත් කර ඇතිබව කොස්ගොඩ පොලිසිය පවසයි.
කොස්ගොඩ යුධ පිටිය ,මැණික් ගම්මානය ,කුරුඳු ගම්මානය යන ගම්මානවල වෙඩිතැබීම සිදුව තිබේ.
යුධ පිටිය ගම්මානයේ සිදුවූ වෙඩිතැබීමෙන් එකම පවුලේ (50) පියා ඇතුළු (21,14) පුතුන් දෙදෙනා මියගොස් තවත් කුඩා දරුවෙකු තුවාල ලබා ඇතිබව පොලිසිය පවසයි.
කුරුඳු ගම්මානය ප්‍රදේශයේ සිදුවූ වෙඩිතැබීමෙන් (38) පිරිමි පුද්ගලයකු මියගොස් ඇතිබව පොලිසිය පවසයි.
වෙඩිතැබීම එකම කණ්ඩායමක් විසින් සිදුකර ඇති අතර සම්පූර්ණයෙන් මුහුණ ආවරණය කරන ලද හිස් ආවරණ පැළඳ යතුරු පැදියකින් පැමිණ වෙඩිතැබීම් සිදුකර ඇතිබව පොලිසිය සඳහන් කරයි.
වෙඩිතැබීම සිදුකර පුද්ගලයන් හඳුනා ගෙන ඇති අතර පොලිසිය වැඩිදුර පරීක්ෂණ පවත්වයි.
ගාල්ල – නාගොඩ සුමන උදයන්ත.
